اسپورٹس ڈیسک (لاہور) جنوبی افریقہ کے ہیڈ کوچ شُکری کونراڈ نے جمعرات کو آسٹریلیا کے خلاف اتوار سے شروع ہونے والے دوسرے ٹیسٹ کے لیے جنوبی افریقہ اسکواڈ کا اعلان کر دیا۔ ہیڈ کوچ نے بلے باز ٹرسٹن اسٹبس اور وکٹ کیپر کائل ویرین کے حوالے سے اہم فیصلے کیے ہیں۔
ٹرسٹن اسٹبس کو اسکواڈ سے مکمل طور پر ڈراپ کر دیا گیا ہے جبکہ کائل ویرین اب بیک اپ وکٹ کیپر کے طور پر موجود ہیں۔
ہیڈ کوچ نے بیٹنگ آرڈر میں بڑی تبدیلی کا عندیہ دیتے ہوئے کہا کہ رائن ریکلٹن وکٹ کیپر کی ذمہ داری سنبھالیں گے۔ ڈربن میں پہلے ٹیسٹ میں دو سو چودہ رنز کی شکست کے بعد ریکلٹن کو بیٹنگ آرڈر میں نیچے بھیجا جا سکتا ہے۔
جنوبی افریقہ کی ٹیم میں کم از کم تین تبدیلیاں متوقع ہیں کیونکہ فاسٹ بولر کگیسو ربادہ کے اسکواڈ میں واپسی کا امکان ہے۔ ربادہ ہیمسٹرنگ انجری کے بعد ری ہیبلیٹیشن کے باعث ڈربن ٹیسٹ نہیں کھیل سکے تھے۔
