اسلام آباد (صورتِ حال، نیوز ڈیسک) وفاقی وزیر اطلاعات عطااللہ ترار نے کہا ہے کہ ون کانسٹی ٹیوشن ایونیو منصوبے میں قانون کا یکساں نفاذ اور حقیقی سرمایہ کاروں کے مفادات کا تحفظ یقینی بنایا جائے گا۔
اے پی پی کے مطابق انہوں نے 4 نومبر کو احسن اقبال اور وزیر مملکت طلال چوہدری کے ہمراہ پریس کانفرنس میں کہا کہ جن لوگوں نے مبینہ بے ضابطگیوں سے لاعلم رہتے ہوئے اپنی جمع پونجی سے اپارٹمنٹ خریدے، ان کے حقوق محفوظ رکھے جائیں گے۔
ترار کے مطابق مشترکہ تحقیقاتی ٹیم نے معاملہ مزید تفتیش کے لیے نیب کو بھیجنے اور مجوزہ دوبارہ ٹینڈر و نئے ڈیزائن کے تناظر میں حقیقی سرمایہ کاروں کے لیے مناسب معاوضے کی سفارش کی ہے۔ انہوں نے نیب تحقیقات 3 ماہ میں مکمل کرنے کا ہدف بتایا۔
وزیر اطلاعات نے کہا کہ بااثر اور عام شہریوں پر قانون کے اطلاق میں امتیاز نہیں ہونا چاہیے۔
