ڈریگنز آف ایشیا ایوارڈز 2026 میں پی ٹی سی ایل کے نمائندے اعزاز وصول کرتے ہوئے۔ تصویر: اے پی پی
اسلام آباد (صورت حال، بزنس ڈیسک) پاکستان ٹیلی کمیونی کیشن کمپنی لمیٹڈ نے ڈریگنز آف ایشیا ایوارڈز 2026 میں دو اعزازات حاصل کیے ہیں۔
اے پی پی کی رپورٹ کے مطابق کمپنی کے دل سے بااختیار پروگرام کو ڈیجیٹل شعبے میں کانسی کا ڈریگن ایوارڈ، جبکہ ماؤں کے عالمی دن کی مہم کو مارکیٹنگ ڈسپلن میں بلیک ڈریگن ایوارڈ دیا گیا۔
کمپنی کے مطابق بااختیار پروگرام خواتین کی ڈیجیٹل شمولیت، مہارتوں اور کاروباری مواقع پر کام کرتا ہے اور سیلاب سے متاثرہ 22 اضلاع تک پھیلا ہوا ہے۔ ماؤں کے عالمی دن کی مہم میں نئی ماؤں کی جذباتی معاونت کو موضوع بنایا گیا۔
ڈریگنز آف ایشیا میں مہمات کی حکمت عملی، تصور، عمل درآمد اور نتائج کا جائزہ لیا جاتا ہے۔
