دوحہ (انٹرنیشنل ڈیسک) خلیجی ممالک کے خلاف حملوں کا ایرانی فیصلہ غلط اور مایوس کن تخمینوں پر مبنی تھا۔ خلیج کی سلامتی، ایران کے ساتھ تعلقات اور خلیجی ممالک کے درمیان ہم آہنگی کا احاطہ کرتے ہوئے، قطری وزیراعظم کے مشیر اور وزارت خارجہ کے ترجمان ماجد الانصاری نے یہ بیان دیا۔
انہوں نے مزید کہا کہ سعودی عرب پر حوثیوں کے حملوں کا کوئی جواز پیش نہیں کیا جا سکتا۔ ترجمان نے اس بات پر بھی زور دیا کہ خطے کے لیے ایک نئے سکیورٹی نظام کی ضرورت ہے۔
دوحہ میں امریکی اڈے کے حوالے سے قطری وزارت خارجہ نے وضاحت کی کہ اسے ایران پر حملہ کرنے کے لیے استعمال نہیں کیا گیا۔ اس کے ساتھ ہی مختلف سطحوں پر خلیجی ہم آہنگی کے جاری رہنے کی تصدیق کی گئی ہے۔
