فائل فوٹو
اسلام آباد: فریڈم گیٹ پراسپیرٹی (ایف جی پی) اور پاکستان لیگل یونائیٹڈ سوسائٹی (پلس) نے موسمیاتی آگہی، انصاف تک رسائی، معذور افراد کی شمولیت اور جامع تعلیم میں تعاون کے لیے مفاہمت کی یادداشت پر دستخط کیے ہیں۔
پیر کو ایف جی پی کے دفتر میں ہونے والی تقریب میں ادارے کے چیف ایگزیکٹو محمد انور اور پلس کے چیف ایگزیکٹو ایڈووکیٹ الطاف حسین کھوسو نے دستاویز پر دستخط کیے۔
معاہدے کے تحت دونوں ادارے ماحولیات، آفات سے نمٹنے کی تیاری، قانونی حقوق، سبز ہنر اور نوجوانوں اور خواتین کی بااختیاری کے شعبوں میں مشترکہ اقدامات کے امکانات کا جائزہ لیں گے۔ اساتذہ کے لیے مواد اور آسان فہم موسمیاتی آگہی کی اشاعتیں اردو اور سندھی میں تیار کرنے کا بھی تصور شامل ہے۔ مخصوص سرگرمیاں باہمی رضامندی سے تیار کردہ عملی منصوبوں کے تحت طے ہوں گی۔
