کراچی (بیورو رپورٹ) سابق وزیرِ ماحولیات و ممبر قانون ساز اسمبلی آزاد جموں و کشمیر عامر عبدالغفار لون کے اقدامات کو سراہا جا رہا ہے۔ انہوں نے حلقہ ایل اے چالیس، ویلی ون میں مہاجرینِ وادی کشمیر کی فلاح و بہبود کے لیے کام کیا۔
عامر عبدالغفار لون نے مسائل کے حل کے لیے سرکاری وسائل کے ساتھ ذاتی وسائل بھی استعمال کیے۔ مہاجرینِ وادی کشمیر کے متعدد مستحق خاندانوں کو ذاتی وسائل سے گھروں کی تعمیر اور رہائش کی سہولت فراہم کی گئی۔
اس اقدام سے ان خاندانوں کو اپنے اہلِ خانہ کے ہمراہ پُرسکون ماحول میں زندگی گزارنے کا موقع ملا۔ اہلیانِ حلقہ کے مطابق وہ مہاجرینِ کشمیر کے مسائل کو ترجیحی بنیادوں پر اجاگر کرتے رہے ہیں۔
رہائش کی فراہمی کے لیے ذاتی وسائل کا استعمال ایک اہم کڑی قرار دیا جا رہا ہے۔ عوامی حلقوں کا کہنا ہے کہ مستقل رہائش فراہم کرنا معاشرے کے کمزور طبقات کو سہارا دینے کے مترادف ہے۔
حلقے کے عوامی و فلاحی حلقوں نے امید ظاہر کی ہے کہ مہاجرینِ وادی کشمیر کی فلاح و بہبود کے لیے کوششیں جاری رہیں گی۔
