(نیوز ڈیسک) وزیر مملکت برائے داخلہ طلال چوہدری نے خیبرپختونخوا میں ایمرجنسی کے نفاذ کے بعد سکیورٹی کی صورتحال پر اعتماد کا اظہار کیا ہے۔ انہوں نے اتوار کو ایک نجی ٹی وی سے گفتگو کرتے ہوئے کہا کہ حکومت خیبرپختونخوا میں ایمرجنسی کے نفاذ کے بعد حالات کو معمول پر لانے کے لیے ہر ممکن کوشش کرے گی۔
طلال چوہدری نے واضح کیا کہ وفاقی حکومت کا بنیادی مقصد دہشت گردی کا خاتمہ اور صوبے میں معمولات زندگی کی بحالی ہے۔ اس اقدام کا کوئی سیاسی ایجنڈا نہیں ہے۔
انہوں نے زور دیا کہ حکومت نے صوبے میں سیاسی اثر و رسوخ قائم کرنے کے لیے ذمہ داری نہیں سنبھالی۔
