راولپنڈی (ہیلتھ ڈیسک) ضلع راولپنڈی میں رواں سال ڈینگی کے 54 مصدقہ کیسز رپورٹ ہوئے ہیں جبکہ 12 مریض مختلف اسپتالوں میں زیر علاج ہیں۔ محکمہ صحت کی 11 اکتوبر 2026 کی رپورٹ کے مطابق ان زیر علاج مریضوں میں سے 6 افراد میں ڈینگی کی تصدیق کی گئی ہے۔
رواں سال کے دوران ڈینگی کے شبہ میں 5 ہزار 427 افراد کی اسکریننگ کی جا چکی ہے اور اس دوران ڈینگی سے کوئی ہلاکت رپورٹ نہیں ہوئی۔ ڈسٹرکٹ ہیلتھ اتھارٹی راولپنڈی کا کہنا ہے کہ ضلع بھر میں ڈینگی لاروا کی افزائش کو روکنے کے لیے انڈور اور آؤٹ ڈور سرویلنس جاری ہے۔
