نیوز ڈیسک (اسلام آباد) — اقوام متحدہ میں پاکستان نے قومی توانائی کے مستقبل کو محفوظ بنانے کے لیے منصفانہ اور غیر امتیازی سول نیوکلیئر تعاون کی بنیادی اہمیت پر زور دیا ہے۔
ایسوسی ایٹڈ پریس آف پاکستان کے مطابق پاکستان نے واضح کیا ہے کہ ہتھیاروں کے پھیلاؤ کو روکنے کی کوششیں پرامن مقاصد کے لیے دوہرے استعمال کی ٹیکنالوجیز میں رکاوٹ نہیں بننی چاہئیں۔ پاکستان کا مؤقف ہے کہ یہ ٹیکنالوجی ترقی پذیر ممالک کی اقتصادی ترقی کے لیے انتہائی اہم ہے۔
