وزیر خزانہ محمد اورنگزیب اوپیک فنڈ کے صدر ڈاکٹر عبدالحمید الخلیفہ کے ساتھ۔ تصویر: اے پی پی، 15 اکتوبر 2026
اسلام آباد (نیوز ڈیسک) وزیر خزانہ محمد اورنگزیب نے اوپیک فنڈ کے صدر ڈاکٹر عبدالحمید الخلیفہ سے ملاقات میں ایم 6 موٹروے کی فنانسنگ اور بنیادی ڈھانچے کے منصوبوں پر بات چیت کی۔
اے پی پی کے مطابق بنکاک میں عالمی بینک اور آئی ایم ایف کے سالانہ اجلاسوں کے موقع پر ہونے والی ملاقات میں پہلی منظور شدہ قسط، زیرِ التوا قرض معاہدے اور اگلی اقساط کا جائزہ لیا گیا۔
ایم ایل ون ریلوے کی جدیدکاری اور بجلی کی ترسیل کے منصوبے بھی ترجیحات میں شامل تھے۔ دونوں جانب نے منظوریوں میں تیزی اور ادارہ جاتی رابطے بہتر بنانے پر زور دیا۔ ممکنہ دورے کے دوران منصوبے کے معاہدے پر دستخط کا امکان بھی زیرِ بحث آیا۔
