سرگودھا (بیورو رپورٹ) سرگودھا میں ریونیو افسران کو ریونیو اہداف کے حصول کو یقینی بنانے کا حکم دیا گیا ہے۔ ذرائع کے مطابق کمشنر حافظ شوکت نے ایک جائزہ اجلاس کی صدارت کی۔
اجلاس میں پلس پراجیکٹ، گرین پراپرٹی سرٹیفکیٹس اور دیگر امور کا جائزہ لیا گیا۔ کمشنر نے سرکاری واجبات کی وصولی کے لیے سخت اقدامات کا حکم دیا ہے۔
انہوں نے واضح کیا کہ ریکوری کے عمل میں مزید تیزی لائی جائے۔ فیلڈ میں موثر کارروائی کو یقینی بنایا جائے گا اور سستی برداشت نہیں ہوگی۔
کمشنر نے زیرِ التوا درخواستوں کو ترجیحی بنیادوں پر نمٹانے کی بھی ہدایت کی۔
