چوہدری شافع حسین ایکسپو سینٹر لاہور میں نمائش کا افتتاح کر رہے ہیں۔ تصویر: اے پی پی، 15 اکتوبر 2026
لاہور (نیوز ڈیسک) صوبائی وزیر صنعت و تجارت چوہدری شافع حسین نے ایکسپو سینٹر لاہور میں گارمنٹس، ٹیکسٹائل مشینری اور متعلقہ لوازمات کی چار روزہ نمائش کا افتتاح کیا۔
اے پی پی کی 15 اکتوبر کی رپورٹ کے مطابق نمائش 18 اکتوبر تک جاری رہے گی، جس میں 30 ممالک کی 550 سے زیادہ کمپنیاں اپنی مصنوعات پیش کر رہی ہیں۔ وزیر صنعت نے مختلف سٹالز کا دورہ بھی کیا۔
شافع حسین نے کہا کہ ایسی نمائشیں کاروباری روابط بڑھانے اور ٹیکسٹائل شعبے میں روزگار کے مواقع پیدا کرنے میں کردار ادا کرتی ہیں۔ انہوں نے شیخوپورہ کے قائداعظم بزنس پارک میں گارمنٹ سٹی اور چین کے تعاون سے کپاس کے بیج کی تیاری پر جاری کام کا ذکر کیا۔
