لاہور (صورتِ حال، بیورو رپورٹ) وزیر بلدیات ذیشان رفیق نے سُٹھرا پنجاب کی صفائی مہم پر ہدایات جاری کیں۔
16 اکتوبر کو سُٹھرا پنجاب اتھارٹی آفس میں وزیر کی صدارت میں اجلاس ہوا جس میں گوجرانوالہ، لاہور، راولپنڈی، سرگودھا، ڈی جی خان، بہاولپور، ملتان اور فیصل آباد کے ڈویژن کا جائزہ لیا گیا۔
وزیر کے ساتھ صوبائی فوکل پرسن عاصم محمود، ڈائریکٹر جنرل لوکل گورنمنٹ بینش فاطمہ اور تمام مقامی حکومت و میونسپل افسران نے ویڈیو لنک کے ذریعے شرکت کی۔ ڈائریکٹر جنرل سُٹھرا پنجاب اتھارٹی عمر جاوید نے صفائی آپریشنز پر بریفنگ دی۔
وزیر نے کہا کہ تمام یونین کونسل سیکرٹریوں کو سُٹھرا پنجاب کے متعلقہ سپروائزر اور ورکرز کی فہرست فراہم کر دی گئی ہے۔ ہر سیکرٹری اپنے دیہات میں صفائی کی نگرانی کو یقینی بنائے۔
سموگ سیزن کے باعث میونسپل سٹاف فیلڈ مانیٹرنگ بھی کرے گا۔ اسسٹنٹ اور ڈپٹی ڈائریکٹرز لوکل گورنمنٹ بھی اس عمل میں شامل ہوں گے۔
کوڑا یا فصلوں کی باقیات جلانے کی فوری رپورٹنگ کی ہدایت دی گئی۔ خالی پلاٹوں میں پڑے کوڑے کو نظرانداز نہ کرنے کی تاکید کی گئی۔
شہروں کے وارڈ سطح پر میونسپل افسران کی ڈیوٹی مقرر کی گئی ہے۔ یومیہ اور ہفتہ وار رپورٹ لازمی بھیجی جائے گی۔
ڈی جی لوکل گورنمنٹ اور سیکرٹری بورڈ صوبائی سطح پر اس مانیٹرنگ کی نگرانی کریں گے۔
