اسلام آباد (نیوز ڈیسک) صدر آصف علی زرداری نے اتوار کے روز کارساز سانحہ کے شہداء کو ان کی 19ویں برسی پر خراج عقیدت پیش کیا ہے۔ صدر مملکت نے اپنے پیغام میں کہا ہے کہ شہداء کی سپریم قربانیاں پاکستان کی قومی تاریخ میں ایک روشن باب ہیں۔
صدر نے اپنے پیغام میں اس عزم کا اعادہ کیا کہ شہداء کے ورثاء اور متاثرین کو تنہا نہیں چھوڑا جائے گا۔ اس موقع پر صدر مملکت نے شہداء کے بلند درجات کے لیے دعا بھی کی۔
