اسلام آباد (انٹرنیشنل ڈیسک) ترکیہ، پاکستان اور سعودی عرب کے وزرائے خارجہ سے فرانس، جرمنی، اٹلی اور برطانیہ کے وزرائے خارجہ نے گزشتہ روز استنبول میں ملاقات کی۔ ترجمان دفتر خارجہ کے مطابق یہ ملاقات تیئیس اکتوبر کو ہوئی جس میں علاقائی اور بین الاقوامی امور پر تبادلہ خیال کیا گیا۔
وزرا نے بات چیت، سفارت کاری اور کشیدگی کم کرنے کے ذریعے علاقائی تنازعات سے نمٹنے کی فوری ضرورت پر اتفاق کیا۔ انہوں نے علاقے اور اس سے باہر امن و استحکام کو فروغ دینے کے لیے سفارتی کوششیں جاری رکھنے کے عزم کا اظہار کیا۔
