کراچی (نیوز ڈیسک) کراچی کے علاقے پاک کالونی میں ایس آئی یو نے کارروائی کی ہے۔ پولیس مقابلے کے دوران ماربل فیکٹری سے بھتہ طلب کرنے والا مرکزی شوٹر ہلاک ہوگیا۔
ایس ایس پی ایس آئی یو ڈاکٹر سمیع اللہ سومرو کے مطابق ہلاک ملزم کا نام نفاذ الاسلام ہے۔ ملزم کے قبضے سے دو پستول اور واردات میں استعمال ہونے والا موبائل فون برآمد ہوا۔
پولیس کا کہنا ہے کہ ملزم عادی مجرم تھا اور بھتہ خور گروہ کی سربراہی کرتا تھا۔ چار ستمبر دو ہزار چھبیس کو ملزم نے ماربل فیکٹری کے مالک سے پندرہ لاکھ روپے بھتہ طلب کیا تھا۔
ملزم نے فیکٹری پر بھتہ پرچی کے ساتھ زندہ کارتوس بھی پھینکا تھا۔ اس واقعے کا مقدمہ تھانہ پاک کالونی میں درج کیا گیا تھا۔
پولیس کے مطابق ملزم نے ساتھی کے ہمراہ فیکٹری پر فائرنگ بھی کی تھی۔ ہلاک ملزم کے خلاف کراچی کے مختلف تھانوں میں متعدد سنگین مقدمات پہلے سے درج تھے۔
