کینیڈا کے صوبے مینی ٹوبا کے قصبے چرچل میں قطبی ریچھوں کی آمد سے خبردار کرنے والے مصنوعی ذہانت پر مبنی نظام کا تجربہ کیا جا رہا ہے۔ اسکائی نیوز کی 30 اکتوبر کی رپورٹ کے مطابق بیئر وژن نامی آلہ ریڈار اور کیمروں کی مدد سے اردگرد جانوروں کی حرکت اور شناخت کا جائزہ لیتا ہے۔
پولر بیئرز انٹرنیشنل کا یہ تجربہ چرچل کے کچرا جمع کرنے والے مرکز میں ہو رہا ہے۔ مقصد ایسا نظام تیار کرنا ہے جو ریچھ قریب آنے پر گھروں اور کاروباری مقامات کو اطلاع دے کر اچانک آمنا سامنا ہونے کا خطرہ کم کرے۔ منصوبہ ابھی تجرباتی مرحلے میں ہے۔
