لاہور (این این آئی) ڈولفن سکواڈ نے کارروائی کرتے ہوئے تین مقدمات میں مطلوب ایک اشتہاری ملزم کو گرفتار کر لیا۔ گرفتار ملزم کی شناخت ارسلان حیدر کے نام سے ہوئی ہے۔
ترجمان ڈولفن سکواڈ کے مطابق اہلکاروں نے سٹاپ اینڈ سرچ کے دوران ای پولیس ایپ سے ملزم کا ریکارڈ چیک کیا۔ ریکارڈ چیک کرنے پر اس کے اشتہاری ہونے کا انکشاف ہوا۔
پولیس کے مطابق ارسلان حیدر کے خلاف تھانہ چوہنگ، تھانہ ستوکتلہ اور تھانہ مزنگ میں مقدمات درج ہیں۔ ان مقدمات میں جعلی چیک دینے اور فراڈ کے الزامات شامل ہیں۔
ترجمان نے بتایا کہ ملزم گرفتاری سے بچنے کے لیے روپوش ہو گیا تھا۔ ڈولفن سکواڈ نے بروقت کارروائی کرتے ہوئے اسے گرفتار کر لیا۔
گرفتار ملزم کو مزید قانونی کارروائی کے لیے متعلقہ تھانے کے حوالے کر دیا گیا ہے۔
