لاہور (بزنس ڈیسک) – پاکستان کی اسٹاک مارکیٹ میں لسٹڈ تیل و گیس کی تلاش سے وابستہ چار بڑی کمپنیوں نے مالی سال 2026 میں 459 ارب 90 کروڑ روپے کا منافع کمایا۔ یہ منافع گزشتہ مالی سال کے مقابلے میں 30.9 فیصد زیادہ ہے۔
ان کمپنیوں میں آئل اینڈ گیس ڈیولپمنٹ کمپنی، پاکستان پیٹرولیم لمیٹڈ، ماری انرجیز اور پاکستان آئل فیلڈز لمیٹڈ شامل ہیں۔
عارف حبیب لمیٹڈ کی تحقیقی رپورٹ کے مطابق یہ شعبہ حالیہ برسوں کی مضبوط ترین مالی کارکردگی پیش کرنے میں کامیاب رہا۔ اس نمایاں اضافے کی وجوہات میں تیل کی پیداوار میں بہتری، زیادہ قیمتیں اور آمدنی میں اضافہ شامل ہیں۔
مالی سال 2026 کے دوران اس شعبے کا مجموعی قبل از ٹیکس منافع 4 فیصد کمی کے بعد 521 ارب روپے رہ گیا۔
بعد از ٹیکس منافع میں نمایاں اضافہ بنیادی طور پر ٹیکس اخراجات میں غیر معمولی کمی کے باعث ممکن ہوا۔ اس میں سپر ٹیکس سے متعلق سابقہ ٹیکس واجبات میں نظرثانی کا اہم کردار رہا۔
مالی سال 2026 کے نتائج کو صرف تیل و گیس کی پیداوار میں اضافے کے بجائے ٹیکس تبدیلیوں کے تناظر میں دیکھنا ضروری ہے۔
