لاہور (کلچرل ڈیسک) پنجاب حکومت نے سینما گھروں میں شائقین کی تعداد بڑھانے کے لیے ون ڈالر سینما منصوبے کا اعلان کر دیا۔ صوبائی وزیر اطلاعات و ثقافت نے فلم انڈسٹری کی بحالی کے لیے اس منصوبے کا اعلان کیا ہے۔
اس منصوبے کے تحت فلم کے ٹکٹ کی قیمت 300 سے 350 روپے کے درمیان رکھنے کی تجویز دی گئی۔ کم قیمت ٹکٹوں سے مہنگے ٹکٹوں کے باعث سینما جانے سے گریز کرنے والے افراد کو سہولت ملے گی۔
صوبائی وزیر کا کہنا ہے کہ مقامی فلم انڈسٹری کے فروغ کے لیے حکومت ہنگامی اقدامات کر رہی ہے۔ یہ منصوبہ فی الحال اعلان کے مرحلے میں ہے اور اس پر عمل درآمد کی حتمی تفصیلات آنا باقی ہیں۔
