حیدرآباد (اسپورٹس ڈیسک) ویسٹ انڈیز کے کپتان شائے ہوپ نے بھارت کے خلاف چوتھے ٹی ٹوئنٹی میچ میں شاندار سنچری اسکور کردی۔ حیدرآباد میں کھیلے گئے میچ میں شائے ہوپ نے پچاس گیندوں پر ایک سو دو رنز کی ناقابلِ شکست اننگز کھیلی۔
ان کی اس اننگز میں نو چھکے اور چار چوکے شامل تھے۔ اس کارکردگی کے ساتھ وہ ٹی ٹوئنٹی انٹرنیشنل میں تین سنچریاں بنانے والے پہلے ویسٹ انڈین بیٹر بن گئے ہیں۔
اس سے قبل کرس گیل اور ایون لوئس دو، دو سنچریاں بنا چکے تھے۔ وہ بطور کپتان تین سنچریاں بنا کر روہت شرما اور بابر اعظم کے برابر بھی آگئے۔
شائے ہوپ نے اس اننگز کے ساتھ ٹی ٹوئنٹی انٹرنیشنل میں دو ہزار رنز بھی مکمل کرلیے۔ وہ ویسٹ انڈیز کی جانب سے ٹی ٹوئنٹی میں دو ہزار رنز بنانے والے چوتھے بیٹر بن گئے ہیں۔
انہوں نے کرس گیل کے ساتھ ویسٹ انڈیز کی جانب سے سولہ مرتبہ پچاس یا اس سے زیادہ رنز بنانے کا ریکارڈ بھی برابر کردیا۔ ویسٹ انڈیز اور بھارت کے درمیان ٹی ٹوئنٹی سیریز دو دو سے برابر ہو چکی ہے۔
سیریز کا فیصلہ کن مقابلہ سترہ اکتوبر کو بینگلور میں کھیلا جائے گا۔
